Qanga angallatit
Qanga qimussit, qajaq umiarlu angallannermi atorneqartarsimapput. Qajaq umiarlu sineriammi tamarmi atorneqartarsimapput qimuttut taamaallaat avannaani tunumilu atorneqartarsimallutik.
Ullutsinni qimuttut aalisarnermut, piniarnermut takornariaqarnermullu atorneqartarput. Umiaq kulturikkut pisoqartillugu saqqummersinneqartarpoq taamatuttaaq aamma qajaq takutitsissutigineqartarpoq. Qajanq piniarluni angallatit saniatigut atorneqartarpoq Tunumi Qaanaami eqqaanilu sinerissanilu tamani timersuutigineqartarluni. Tabel 1-mi takuneqarsinnaapput qimuttut amerlassusaat.
Kalaallit Nunaata ilisimaneqaataasa ilagaat inoqquttusseseq tunngavigalugu qimmeqarnerujussua. Innuttaasut amerlassusaat eqqarsaatigalugu Upernaviup nunaqarfia Naajaat qimuttoqarnerpaajuvoq, tassa 2012-mi agguaqatigiissillugu Naajaani inuk ataaseq 3,9-nik qimmeqarami. Agguaqatigiissillugu 1990-miit qimuttut ikileriangaatsiarsimapput, 1990-mi qimuttoqarfinni inuit 1.000-iugaangata qimuttut 1.066-iusarsimapput 2012-mi inuit 1.000-iugaangata qimuttut 621-iusimasarsimallutik, tassa 40 procentinik appariarsimapput. Titartagaq 1-mi takuneqarsinnaavoq qimuttut amerlassusaat.
Titartagaq 1. 2012-mi qimuttoqarfinni qimuttut amerlassusaat
Najoqqutaq: Uumasut nakorsaat
Qimuttut qimminik allanik akuneqannginnissaat anguniarlugu taamaallaat qimuttut qimuttoqarfinnut eqqunneqarsinnaapput.